Die Suid-Afrikaanse parlementsverkiesing van 1920 het op 10 Maart 1920 plaasgevind,[1] en was die eerste verkiesing na die Eerste Wêreldoorlog in die Unie van Suid-Afrika. Die verkiesing is deur die Nasionale Party van generaal J.B.M. Hertzog gewen, maar Hertzog kon nie daarin slaag om 'n kabinet te vorm nie, en Jan Smuts, leier van die Suid-Afrikaanse Party, met ondersteuning van die Engelstalige Unionisteparty, het toe 'n regering gevorm. Later in die jaar het die Unionisteparty uit die regering bedank, en 'n nuwe verkiesing moes gehou word.